＋    

        刘翔幸运战衣                                    刘翔黑色幸运手表

                              VS

                       运程大好罗伯斯

2008西班牙室内田径赛今个周末就要系马德里拉开战幕啦！大家最关心既男子60米栏比赛决赛当地时间3月8号晚黑8点35分举行。到果阵时，刘翔同埋罗伯斯一定会成为众人焦点，系110米栏决一大战。今日，星相大师小鱼（化名）就专登为呢场激战作佐全面既比赛分析同赛果预料。

首先，我地来睇下刘翔同罗伯斯既星相资料先：

   刘翔，生肖属猪。1983年7月13日出世，巨蟹座。

   Dayron Robles（罗伯斯）：生肖属虎。1986年11月19日出世，天蝎座。

刘翔总运势：

属猪既刘翔今个星期系事业，工作上面会出现无心插柳既情况，话唔定会有有意外既变化同结果，虽然事业唔会达到顶峰状态，不过只要保持冷静，都会有所发展，都有突破。刘翔比赛之前既心态就比较好啦，唔会话一定要赢小罗，只要突破到自己就系一个进步，到时有新既突破，就有意外收获，皆大欢喜。
    不过在健康方面刘翔就要注意D，因为巨蟹座今个月健康状况确实麻麻～3月份本来就唔系螃蟹旺季，加上在西班牙，昼夜温差比较大，天气又干燥，虽然巨蟹蟹壳够厚，不过仍然好难适应，会导致脾胃会有D弱化；循环系统都可能出现问题。所以对刘翔来讲，饮食方面要更加注意，还有就系皮肤问题啦，要用多D补水既护肤品，甘先可以保持距既靓仔样。

另外，健康方面最致命既一点就系，今个星期巨蟹座just在太阳星位置，一向怕热既蟹仔蟹女会成日唔觉意因为风寒而感冒，还要特别小心运动过度导致关节扭伤。怪唔之得教练大人孙先生话，刘翔今次要注意唔好受伤就得。不过，都有得化解既，3月8日刘翔既幸运颜色为黑、红、黄，只要着住呢D色既衫，饰物，甚至系under，就可以逢凶化吉。所以建议刘翔穿着距平时果件战衣，红色加黄色，就可以避免身体出D咩状况，还有平时戴埋距最中意果款黑色电子表，甘就万无一失啦。当日刘翔既幸运数字系1、2、8，咦～就系当时距打破世界记录12秒88既幸运数字，所以呢个系一个好好既预兆。

我地再来睇下属虎天蝎座既罗伯斯，天蝎座属虎既人系天生既斗士，作为一个对手，距地非常之凶猛而且颇有危险性，仇恨意识好深，又残忍嗜杀，都几得人惊，想打低刘翔自己咬住块金牌，呢个就系距既目标，为佐呢个目标，距会不断努力。前8场比赛，经过一轮厮杀，只古巴虎杀到7块金牌返来，又系上个月系德国杜塞尔多夫,跑出7秒33，系历史上第二好成绩，逼近佐科林·杰克逊保持14年既7秒30世界纪录。今场比赛，以距既性格，应该继续发威。

罗伯斯总运势：

今个周末罗伯斯运势都唔差，金星同土星都旺住既天蝎座小罗，呢个星期财运唔错，收入方面会有意外既进帐，特别系事业方面。罗伯斯成日妒忌刘翔有得卖广告有钱收，又有Nike靓衫着，今铺可能距既机会来都未定。不过距成日希望得到大家的既羡慕和赞美，可能工作既时候,即系距跑步既时候啦，头脑有杂念，影响工作发挥。另外，呢个星期小罗比较容易得到来自异性既帮助，春风得意既时候比较多，心态都有D飘飘然。话争取个金牌3月15号白色情人节返去俾女朋友仔叶塞妮娅做礼物，唔好太感情用事就ok啦。话唔定会系动力来添。

   3月8号天蝎座既罗伯斯比赛运要俾受太阳星影响既刘翔要好，只要技术方面无问题，心态平稳，相信会有好好既发挥。

    巨蟹座同天蝎座既人相处好一般，就系君子之交淡如水果种，做知心朋友好难，不过做对手就非常适合。巨蟹座有好强既自我保护意识，时不时又会杀出个钳夹到你出血，而天蝎座也系属于保守进攻型，所以当两者相遇，必定会有好戏睇。